Thumasa

Zo ngam buppi sung pan Sizangte Pathian in hong sap maksak bel ih hina taw kizui in “Pathian hu mop” ahi Lai Thiangtho bute sung pan, Dr. J.H. Cope in lampui a, Sizang kam in Lungdamna Matthew laibu 1916 kum in na pheen hi.

Tua zawk kum sawm luk le kum kua kum ciang Sizang kam in Lai Thiangtho bu buppi pheen tu kisawm a, 1985 kum February 8-10 sung Theizang khua ah a kivawt Siyin Region Baptist Association (SRBA) kumcin kikhoppi pan Lai Thiangtho bu buppi Sizang kam in pheen tu thukim in kkhensat hi.

1985 kum November tha sungin Myanmar Bible Society te tungtawn in United Bible Societies te tungah Sizang kamin pheen thei natu a kinget ciang, United Bible Societies (UBS) te zongh in hong thukim pui a, Sizang Lai Thiangtho vawt natu sum (budget) te hong vaihawm sak a, consultant khat zongh hong pia hi.

1994 kum November tha ni 15 ni in Lai Thiangtho Thuciam Thak pheen tu kiman a, Psalm Late le Paunak sia kum 1995 kum May tha 21 ni in kiman hi. Lai Thiangtho Thuciam Thak le Psalm Late le Paunak teng laibu khat in kingawm a, bu 5,000 kivawtin, kum 2002 kum November tha ni 5 ni in Topa tungah aapna kinei hi.

Lai Thiangtho Thuciam lui pheenna sia, kizom to suak a, pheen tu et kik tu le computer disk sung khum tu theampo sia kum 2003 kum February tha ni 14 ni in kiman siat hi.

Hi Lai Thiangtho bu buppi Sizang kam in a kisua sak na sungah, UBS te ii tung pan a kinga sum le paaite ban ah, Pawlpi mi thu um mi tatuamte tung panin huna tatuam nasia tak kinga hi.

  • Hi Sizang kam Lai Thiangtho sia UBS te ii hong sawl bangin, Today’s English Version (1976 Edition) Manglai Thiangtho panin malsim malsim in a kipheen hi a, Kawlngam sungah thu um mite ii a zak bel Kawl Lai Thiangtho taw a mal sim in kibang ngawl hi.
  • Ahihang mun khakhat ah Today’s English Version sung bang ahi ngawl kamngui pawlkhat kikhum a, tuate sia UBS te tungah a kinget zawkciang a kikhum hi pheang hi.
  • Leitung ah kammal a kicing dildelh a nei minam khat zongh om ngawl ahi bangma, kammal pawlkhat te Sizang kam in pheen natu haksa ahiman, mi namdangte kammalte kizangh hi.
  • Sudan kici ngam min theampo sia consultant pa ii hong sawlna taw Ethiopia ci in kilaih siat hi.
  • Sizang kam in a kihe thiang vaset ngawl thingkung minte ahizong, suang manpha mite ahizong, ngim namtui minte ahizong, na dang pawlkhat te ii min ahizong, muanmawk po in kipheen ngawlin a Manglai sung bangma in kikoi zaw hi.

Hi Lai Thiangtho a sim po ii a sim ciang, a tel nop zawhiat natu etkak thei tu in, “Laibu sung om thute” atna laimai nuai sangah a om thulute bangin laibu nung sangah kibelap in kisuak sak hi.

THUCIAMNA LUI (OT)

THUCIAMNA THAK (NT)

2 thoughts on “

  1. I sizaang laithiangtho sia mobile tawh sim thei tu om leh hoi tu um ing, ki vak na a nei te na han ciam ta vum maw. A man laang thei bel nga thei tu zong um ing.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s